دي حكايتي لما نمت في الفيلا المهجورة لوحدي يوم
 |
| قصص رعب حقيقي |
اهلا زوار موقع قصص رعب حقيقي انهردا حكاية او قصه جديدة رعب حدثت بالفعل في نيوزلاندا في عام 2016 شهر مارس وبالتحديد في يوم 10 من شهر مارس.
انا اسمي احمد مصطفى مصري الجنسية من عيلة بسيطة جدا من محافظة الشرقية عندي 32 سنة وشغال مهندس ديكور في نيوزلاندا من 2014’ عايش مع صديق ليا اسمه محمود من السعودية شغال معايه نفس المهنه وتقريبا بنتشارك ملبسنا ومأكلنا ومسكنا مع بعض.
المهم بدون دخول في تفاصيل حبيت احكي قصتي ليكم عشان تخدو بالكم بعد كدا لو حصل ايه متكرروش اللي انا عملته دا ولو بكنوز الدنيا علشان اللي انا شوفته مش هين.
يوم الاتفاق.
جه ليناردو رجل عجوز عنده حوالي 70 سنه لسا راجع من امريكا وطلب مني اجددله ديكور فيلاته القديمة وتقريبا اتفقنا ولكن الفيلا كانت بعيد جدا عن الحي اللي انا ساكن فيه فطلب مني ليناردو ان مفيش اي مانع اروح ابات في الفيلا لحد ما الشغل يخلص قلتلو ماشي وتم الاتفاق على كدا.
وفعلا روحت الفيلا و اول ماوصلت كلمت صديقي وقلتله اني وصلت وقالي ( انا مش عارف شغل ايه اللي جالك فجأها دا وفي حته بعدية كدا )
ضحكنا وهزرنا وقلتله اكل العيش وبتاع وقفلنا المكالمه وبدأت ابص على الفيلا واقول ازاي فيلا بالفخامه دي تتساب سنين كدا ويحصل فيها كل دا.
دورت على مكان عشان انام فيه واخيرا رايح انام وفرد ضهري واسمع صوت جاي من الدور العلوي بيقول او فيما معناه بالعربي ( اهرب لو كان بأمكانك ) قمت مفزوع وجريت على فوق عشان اشوف في ايه ومع الاسف ملقتش حاجه وبدأ قلبي يهدا ونزلت عشان اكمل نوم.
اليوم المشؤوم.
فعلان نمت و اول ما عنيا بدأت تغفل وانا حاسس ان في حد بيبصلي او بيراقبني افتح عيني ملقيش حاجه اقفل عيني احس بحد وراية او حواليا.
وبدأت اسمع صوت موسيقى في حد بيعزف على الة كمانجا قمت اتصنت كويس لحد ما دركت ان في صوت فعلا بدأت امشي ورى مصدر الصوت لحد ما فعلان ادركته اهو الصوت في الاوضه دي ورى الباب دا.
بدأت اتخشب كدا وعمال اراجع نفسي ونبضات قلبي بتزيد وامشي خطوة خطوة لحد ما مسكت الباب بأيدي ولما فتحت الباب لقيت.
تتخيلو لقيت ايه ؟
انا مش بحاول افزعك ولا اعرفك ان دي حكاية رعب ومفيش منها اتنين ولكن اللي عايزك تفهمه بجد اني اللي شوفته مكنش هين عشان انا لما فتحت الباب لقيت تلاتة لونهم اسود ومفيش في وشهم ملامح بيعزفو موسيقى لواحد بياكل في رجل طفله استنى عارف مين الواحد دا’ هو لياناردو الراجل العجوز اللي اتفق معايه على اني اجهزله الفيلا ونجددها هو.
ساعتها فضلت اجري وانا في حاله هستيريا ومش قادر اقف وجريت مسكت موبايلي وبجري عند الباب ومع الاسف الباب كأنه خرسانه مش عايز يفتح.
ولقيت اللي حط ايده على كتفي وبيقولي Stay Home بيقولي خليك في البيت ولما لفيت عشان اشوف مين دا لقيت واحد نص بقه مش موجود وصرخ في وشي.
جريت من قدامه ودخلت اوضه وقفلت على نفسي وحبيت اتصل بصديقي وفعلان فتح عليا و اول مارد قلتله الحقني انا بموت الحقني انا في بيت كذا في حي كذا.
الخط قطع مع صديقي ونزلت على رجلي وتقريبا بدأت اعيط واقول يارب الحقني يارب وفجأها ببص في زاوية من زواية الاوضه لقيت بنت بتعيط ومدياني ضهرها بدأت اقف وافتح في الباب والباب مش عايز يفتح ولقيت الطفله بتقرب عليا وكل ماتقرب بتطول وماشية على رجل واحده وفجأها وقفت مكانها وانا ببصلها ومستغرب لانها سكتت ومعيتطش تاني وهنا راحة لفتلي براحها كدا وقالتلي ( انا عايزة رجليك ) وبسرعة الضوة جت ومسكتني من رقبتي ومصحتش غير تاني يوم على صوت البوليس وصديقي اللي كان بيفوقني وانا مرمي على الارض.
حقيقة الفيلا.
لما رحنا القسم عشان نحقق الظابط سألني ايه اللي وداك هناك قلتله في راجل جه واتفق معاية على ديكور جديد نعمله للفيلا فبص لصحبي الظابط وقال لمحمود صحبي انتا شوفت الراجل دا ؟
محمود قال لاء سأله تاني حد من المكتب اللي انته شاغلين فيه شافو قال لاء هنا انا استغربت قلتله انتا عايز توصلي ايه ولا بتتهمني بأيه يعني ؟
قال الظابط انه الشخص رقم 4 نروح نجيبه من الفيلا دي والحقيقه انه صاحبها اسمه لياناردو ولكن متوفي من 1999 بعد ما اتحبس في بدروم الفيلا ومات بالبطيء.
تعليقات
إرسال تعليق