الموت اهون من الرعب اللي شوفته

ببجولي بليل ومحدش مصدق

موقع حكاوي رعب حقيقي

اذيكم اسمي اسماء انا من المنصورة عائشة في قرية بسيطة على ادها ممكن كمان متكونش متطورة ذي المدن ولكن هي قرية صغيرة كدا .

انا عندي 26 سنه الموضوع بدأ معايه لما كنت بقعد في البيت لوحدي وخصوصا لما بنام واقفل الباب عليا واضلم الأوضه كلها.

كنت دائما اسمع عن قصص الرعب و المكاوي الرعب ولكن عمري ما توقعت اني هعيش حاجه ذي دي.

البدايه.

في يوم كنت عند عمي بين بيتا وبيته حولي 200 متر مش كتير وغالبا العيله كلها كانت هناك وبعد قعدتي حسيت بصداع كدا وقلت لازم امشي انام وبنت عمي قالتلي هتروح تنامي واحنا لسا في أول السهرة قلتلها صدعت مش قادرة واستأذنت عمي وأهل بيتي روحت.

و اول ما دخلت البيت اترميت على السرير وانا حاسه ان الدنيا بتلف بيا بس الغريب حاسه ان في حد معايه بيحط أيده على دماغي ، ممكن يكون من الصداع مش حاجه يعني.

شربت ميه وجيت نمت بعد ما اخد البرشامه وقفلت النور كالعادة وعماله اتقلب يمين وشمال وانا مش قادره انام و وانا نايمه على جمبي الشمال فضلت بصه للكمبيوتر شوية، واتلقبت تاني وعنيا بتفتح والاقي شخص نايم جمبي بيبصلي وبيضحك ضحكه مرعبه ضحكه مش عادية وقالي كلمه لحد الان مش فاهماها ولكن حبيت اصرخ بعد المنظر دا ولكن لما حاولت اتحرك لأن تقريبا صوتي مش طالع لقيت الاوضه كلها مليان ناس وأشكال غريبه منهم اقزام وكبار أو طوال اوي.

مش عارفه اوصف ايه ولا ايه ولكن لك أن تتخيل أن في ناس اعدة في اوضك وشوشهم ملهاش انف و قم و الوان وشوشهم سودا ومنها الاحمر ولون عينهم يا ابيض يا احمر و رجليهم ذي المعزة أو البقر كل دا في الوضع عندي ومحستش بنفسي غير وأمي بتدخل عليا وانا بصرخ بعلو حسي .

الإعتراف مع اخر يوم.

محدش مصدق اللي حصلي لدرجة اني انا فعلا قربت اصدق اني مجنونه او على حسب قولهم إن انا بيتهيألي عشان بقفل الاوضه والنور عليا بليل وكدا بس اكدب ازاي أن كل يوم الناس دي بتجيلي وبيقعدو يتنتطو على الحيط والأرض ازاي اكدب نفسي.

انهردا بس قررت انام لوحدي تاني لأن على مدار شهرين بنام مع امي أو حد بينام معايه.

دخلت اوضتي وبدأت الصلاه وقلت هنام وامري لله ولكن قلبي منفطر من الخوف والرعب انهردا دخلت نمت في اوضي وحاولت اكدب نفسي وفعلا نمت حوالي ساعتين وصحيت ومحصلش حاجه انا صاحبه ومفيش حاجه حصلت بدأت ابص لمراية التسريحه بتعتي وبقرب منها وببص لنفسي وفيعني الدموع من هل دا حقيقي ولا لاء وهل انا مجنونه ولا لاء ولما قربت ويمسح عيني من الدموع ورجعت وبشيل ايدي من على عيني و والاقي مخلوق لم تراة عيني من قبل واقف وراية وبيقول مجنونه بصوت مرعب.

هنا اتفزعت و وقعت على ضهري وحسيت أن كل حته فيا اتشلت وكل ما اصرخ مش صوتي مبيطلعش لحد ما المخلوق دا مسك رجلي وبلسانه لحسها وراح حاتطها في بقه وحاول بعض رجلي وهنا ولله الحمد صرخت بعلو صوتي وكأنه الله الهمني قوة لحد ما القريب و البعيد سمع صوتي ولما امي دخلت وهلي ملاقونيش غير وانا بقول رجلي بتتاكل الحقوني ولكن مع الأسف مشفوش حاجه ولاقوني واقعه على الارض.

امته خلصت من المخلوقات دي ومبقتش بتيجي تاني اكيد السبب الاصل هو تقربي من الله سبحانه وتعالى ولكن مش هكدب انا لفيت بقت الدكاترة تقول تعبانه نفسيا وشيوخ تقول سحر اسود ولا يعلم إلا الله.